Kalenner

Recolte:

• Fir Blummen a Kraider ze dréchnen,schneit een si am beschten ëm d‘Mëttesstonn. A kleng Bouquete gebonn, kann een si op enger dréchener, lëfteger Plaz ophänken, bis si gedréchent sinn.
• De Som vun verblitte Planzen dréchne loossen.
• Zalot, Réidercher, Hierschtkabes, Muerten a Poretten kann een elo aus dem Buedem huelen.
• Stackbounen a Kornischonge pléckt ee bis spéitstens Enn vum Mount.
• Elo ass d‘Haaptrecolte vun de Gromperen, wann et geet op engem waarmen, dréchenen Dag.

Séien a planzen:

Pléck- a Schnëttzalot, Réidercher, Mauséiercherszalot, Réidech a Spinat – jee no Wieder kann ee mat dem Séie bis Mëtt vum Mount nach eng gutt Hierschtrecolte erwaarden.

Gaardenaarbecht:

• Reegelméisseg netzen an Onkraut rappen.
• Bei dréchenem Wieder Som sammelen an dréchne loossen.
• Verwielte Planzen erausrappen.
• Schéin héich Planzen a Grieser stoe loossen, fir datt d’Villercher am Wanter eppes ze friesse fannen.

Séien a planzen:

• Planze vu Blummeknollen und Blummenzwiwwelen (z. B. Tulpen, Krokussen, Hyazinthen, Narzissen).
• Planze vun Zwiwwelen, Schallotten a Knuewelek.

Kanneraktivitéiten:

• Zopp kachen.
• Gedréchente Som vu Blummen an Titercher fëllen, beschrëften an dréche lageren.

Gaardenaarbecht: 

• Reegelméisseg am Gaart kucken, ob alles an der Rei ass.

Recolte:

• Wëll Bieren a Planzen mat Som (z. B. Sonneblummen) ginn elo Fudder fir d‘Villercher.
• Séien a planzen:
• Esoulaang wéi et net fréiert, kann een déi lescht Blummenzwiwwele planzen.
• Bei Wieder ouni Frascht kann een nach Uebsthecke planzen.

Kanneraktivitéiten :

• Zopp kachen: Kürbis fir Halloween aushielegen.

Gaardenaarbecht:

• De Buedem oplackeren an d’Wuerzelonkraider erausrappen. D’Beeter duerno mat Laf, Stréi oder graffem Kompost iwwerdecken.
• Eng Mulchschicht aus Laf oder Stréi um Rubbarb erlaabt méi eng fréi Recolte am Fréijoer.
• D‘Gaardegeschier grëndlech botzen.

Kanneraktivitéiten:

• Nei Iddie fir d’Fréijoer sammelen (z. B. Dekoratioune bastelen).
• En Adventskranz mat Gaardematerial bastelen.
• Vullenhaisercher mat Fudder opriichten.

Gaardenaarbecht:

• D’Gaardegeschier grëndlech botzen.
• Reegelméisseg nom Gaart kucken.

Kanneraktivitéiten:

• Vullefudder aus Som a Kären preparéieren.
• E Fudderhaischen bauen.
• Gebotzten Nistkëschte kann e schonn am Januar ophänken. Vill Villercher gi scho fréi op Wunnengssich a kucken no séchere Plaze fir hiert Nascht.
• Nei Iddie fir d’Fréijoer sichen, Dekoratioune fir de Gaart bastelen.
• Iwwerleeën, wéi e Geméis am Gaart soll ugeplanzt ginn.

Gaardenaarbecht:

• Reegelméisseg nom Gaart kucken.

Kanneraktivitéiten:

• De Villercher beim Fudderhaische nokucken.
• Reegelméisseg Fudder nofëllen.
• Déi reegelméisseg Gaardenaarbecht pro Klass (Netzen, Onkraut rappen…) plangen.
• Summerblummen an der Klass virzéien.

Gaardenaarbecht:

• Reegelméisseg nom Gaart kucken.

Séien a planzen:

• Uebsthecke planzen (Hammbier, rout Kréischelen, déck Kréischelen, Schwaarzbier, Päerdsbier).
• Fréi a mëttelfréi Muerte kënnen schonn vum Mäerz un an de Buedem geséit ginn.
• Eejäreg Kraider (z. B. verschidden Zorte Basilikum) kann ee schon um Fënsterbriet virzéien.

Kanneraktivitéiten:

• Entdecke vun den éischte Fréijoersblummen. 
• D‘Gaardeparzellen mat der Mëschkultur-Tabell plangen an passend Schëlder virbereeden.
• Mat dem Bau vun engem Insektenhotel ufänken.
• Am Gaart schaffen, wann de Buedem dréchen a waarm ass.

Gaardenaarbecht:

• Lescht Virbereedunge vun de Beeter fir d‘Kulturen virgesinn.
• Nei ausgeséite Geméis a jonk Planze reegelméisseg netzen, Onkraut rappen an de Buedem oplackeren.
• Geméisreienmulchen.

Séien a planzen:

• Déi éischt Geméiszorten séien.
• Am Ufank vum Mount: Courgetten, Tomaten, Kornischongen a Kürbissen op der Fënsterbänk virzéien an Mëtt Mee an de Gaart planzen.
• Kraider séien
• Summerblummen séien.
• Fréi a mëttelfréi Gromperenzorte planzen.

Kanneraktivitéiten:

• Bei allem, wat geséit gëtt, dat passend Schëld derbäistellen.
• Geméis an Dëppercher op der Fënsterbänk virzéien.
• Um Insektenhotel weiderschaffen.

Gaardenaarbecht:

• Tëscht de Geméisreie mulchen (Grasschnëtt…).
• Äerdbier mat Stréi mulchen, fir datt d’Friichten dréche an d’Fiichtegkeet am Buedem bleift.
• Schleeken sammelen an baussent dem Gaart aussetzen.
• Verblitte Fréijoersblummen zréckschneiden oder op eng anerer Plaz verplanzen.
• Reegelméisseg netzen, Onkraut rappen an de Buedem oplackeren.

Séien-planzen:

• All déi Geméiszorten séien, déi et gären méi waarm hunn: Bounen, Muerten, Rout Rommelen, Schalotten, Zwiwwelen.....
• Déi virgezunne Planzen kennen no den Eishellegen (Mëtt Mee) an de Gaart geplanzt ginn.
• Spéit Gromperenzorte planzen.

Recolte:

• Éischt Recolte vun Réidercher, Zalot, Spinat, Rubbarb a Kraider.

Kanneraktivitéiten:

• Zesummen eng Fréijoerszalot preparéieren, eng Rubbarbstaart oder -kompott.
• En Haische fir Ouereschlëffer bastelen an an d‘Uebstbeem hänken.
• E Grompere-Labyrinth bauen a beobachten wéi de Keim vun enger Gromper sech säi Wee sicht.
• Um Insektenhotel weiderschaffen.

Gaardenaarbecht:

• Reegelméisseg netzen an Onkraut rappen.
• Reegelméisseg de Buedem op béiden Saïten vun de Geméisreien lackeren.
• Courgetten a Kürbissen, Ierbessen, Tomaten a Bounen laanscht d‘Spaléier an d’Luucht wuesse loossen.
• Tomate reegelméisseg ausgäizen.
• Ze dicht ausgeséite Reien auslichten: z. B. kleng Muerteplanzen erauszéien, sou datt déi aner genuch Plaz fir ze wuessen hunn.
• Gromperekraut kontrolléieren, fir datt sech déi rout Larve vum Gromperekiewerlek net verbreeden (Larve mat der Hand sammelen).
• Geméisreie mat Stréi, Grasschnëtt oder anerem Gréngmaterial mulchen, fir datt d’Fiichtegkeet am Buedem bleift an d’Onkraut net ze séier nowiisst.

Séien:

• Vill Geméiszorte wéi Zalot, Bounen, Ierbessen a Kabeszorte kënnen nach geséit ginn.
• Réidercher reegelméisseg recoltéieren an noséien.

Gaardenaarbecht:

• Reegelméisseg netzen an Onkraut rappen.
• Uebsthecke wärend dréchene Periode gutt netzen.
• Courgettë plécken, éier si ze grouss ginn.
• Gromperekraut kontrolléieren, fir datt sech déi rout Larven vum Gromperekiewerlek net verbreeden (Larve mat der Hand sammelen).

Recolte:

• Ierbessen an déck Bounen plécken. D’Planzen léisst een am Buedem stoen, fir datt d’Wuerzele mat hire Knëllchebakterien de Stéckstoff aus der Loft kënnen ophuelen.
• Fréi Gromperen kënnen erausgeholl ginn, wann d’Schuel fest ass an een se net méi mam Daum kann ofreiwen.

Séien a planzen :

• Stecklinge vun Estragon, Zitrounemeliss, Peffermënz a Lavendel an Dëppercher planzen.

Gaardenaarbecht:

• Reegelméisseg netzen an Onkraut rappen.
• Tomateplanzen mussen all fënnef bis sechs Deeg ausgegäizt ginn. Ee liicht Kappen hält de Buedem  fräi vun Onkraut a lackert en op, esou datt Loft dra kënnt.
• An déi eidel Parzelle ka Gréngdünger ugeséit ginn.

Recolte:

• Tomaten, Kornischongen, Courgetten, Zelleri, Bounen, Paprika a Kürbissen.

Séien a planzen:

• Chineesesche Kabes, Réidech, Mauséiercherszalot a Fréijoerszwiwwele kënne nach fir eng spéit Recolte geséit ginn.