En neien Gaart plangen

Checklëscht

Checklëscht mat Froen, déi am Virfeld vun der Gaardeplanung gekläert gi mussen:

1. Wee wäert am Gaart schaffen?

Fir wien soll de Gaart ageriicht ginn?

• Schüler aus der Grondschoul
• Kanner aus der Maison Relais
• Lycéesschüler

Wee soll am Gaart schaffen?

• Alter vun de Schüler
• Schüler mat Besoins spécifiques?
• Gruppegréisst vun de Kanner déi am Gaart zesummen aktiv solle sinn
• Wéi oft soll de Gaart genotzt ginn ? Deeg/Woch, Joreszäiten, Vakanz
• Dauer vun de Aktivitéiten am Gaart
• Wee betreit d’Kanner bei der Gaardenaarbecht?
• Hunn d’Betreier Erfarung am Gaardeberäich?
• Ween ass verantwortlech fir de Gaart (wärend der Schoulzäit, wärend der Vakanz) ?
   

Op Basis vun den Äntwerten op dës Froen kann een sech Gedanken maachen iwwert
d’Géisst an d’Lag vum Gaart.

2. Wou ass et méiglech?

Wéi ass d’Lag vum zukünftege Gaart ?

• Gréisst : ofhängeg vun der Zuel vun Gruppen/Klassen déi de Gaart benotze wëllen
• Lag: direkt bei der Schoul, eventuell Stéierungen vum Unterrecht?
• Topographie : flaach, am Hang, mat engem Rollstull erréchbar...
• Wéi ass de Buedem? Macadam, Wiss, Schotter..... ass eng Buedemanalys néideg?
• Ausriichtung (Sonn/Schied): Wéi vill Stonnen ass de Gaart an der Sonn? Abrëll –September sinn op mannst 6 Stonnen Sonn néideg ...
• Ass e Waasseruschloss direkt an der Géigend oder kann en Uschloss ugeluecht ginn?

3. Firwat gëtt de pedagogesche Gaart ugeluecht??

Abezéiung vun de Schoulfächer ? Wéi eng?

• Wéi eng pedagogesch Zieler sollen erreecht ginn?
• Kann de Gaart mat aneren Ariichtungen gedeelt ginn? Altersheim, Refugiéë, Gaardeverein, lokal Veräiner...
• Wéi soll d’Rekolt genotzt ginn?

4. Wat sollt an engem Gaart sinn?

Wéi eng Elementer sollen ugeluecht ginn?

• Sollen/kënnen Hochbeeter gebaut ginn?
• Wëll een en Hochbeet fir Leit am Rollstull plangen?
• Kann en Hügelbeet ugeluecht ginn?
• Besteet d’Méiglechkeet fir eng Geschierkëscht oder e Schapp ze bauen?
• Ass genuch Plaz do fir Dëscher a Bänken (wéi vill sinn der néideg?)
• Soll eng Feierplaz matgeplangt ginn?
• Ass genuch Plaz fir eng Zär?
• Ass genuch Plaz fir Kautschen (Frühbeeter) oder e Folientunnel?
• Wou kann eng Kompostkëscht opgebaut ginn?
• Brauch een e Sonneschutz iwwert dem Dësch an de Sëtzméiglechkeeten?
• Besteet d’Méiglechkeet fir eng kleng Waasserfläch unzeléien?
• Gëtt et en Zonk wou Kloterplanzen eropwuesse kënnen?
• Ass Plaz fir en Tipi mat Kloterplanzen opzeriichten?
• Ass eng Plaz do fir eng Meteosstatioun, eng Infotafel, en Insektenhotel opzestellen?

Wéi eng Planzen sollen am Gaart ugeplanzt ginn?

• Geméis: wéi eng Aarten? Vun enger Aart verschidden Zorten?
• Uebst: Hammbier, Kréischelen, Rubbarb, Äerdbier, ...
• Kraider: Een- a méijäreger
• Uebstbeem : Spaléierbeem, ...
• Einheimesch Hecken
• Blummewiss an iessbar Blummen
• Stauden : méijäreg Blummen

5. Wéi sollt e pedagogesche Gaart ugeluecht ginn?

• Schafen vun enger Aarbechtsgrupp mat den interesséierten Pedagogen
• Ufro fir d’ Geneemegung fir e Léiergaart anzeriichten
• De Gaart als Joresprojet vun der ganzer Schoul plangen
• D’Kanner an d’Planung mat abezéien: Workshoppen, Maquetten, Zéchnungen, ...
• Virstellen vun de Kanner hiren Iddien virun den Elteren an de Gemengeresponsabelen
• Uleeën vum Gaart zesummen mat de Kanner, den Elteren, anere Partner
• Organisatioun vun der Gaardenaarbecht wärend de Vakanzen

Wéi eng Partner kënnen bei der Planung, dem Opbau, dem Ënnerhalt an den Aktivitéiten mat de Schüler hëllefräich sinn? De Schoulgaart soll och e soziale Projet sinn.

• D‘Schouldirektioun
• D’Enseignanten, Educatricen an Educateuren
• D‘Schüler
• D‘Elteren (-vereenegung)
• De Concierge
• D‘technesch Personal
• De Kach, d’Kichepersonal
• D‘Gemengeverantwortlech
• D‘Gemengenaarbechter
• Privat Kannerbetreiungsstrukturen
• Lokal Veräiner: Gaart an Heem, Club des Jeunes, ...
• Altersheem, Fleegeheem, ...
   

No dëser Bestandsopnam sollt ee wëssen:

• Noutwendeg Buedem- an Terrasséirungsaarbechten: Réalisatioun, Käschten ...
• Zuel vun de Gaardeparzellen
• Bordüren vun de Gardeparzellen (Brieder, Bamstämm, Sténg, ...) : Wie baut se? Käschten, ...
• Zuel vun den Hochbeeter / Kautschen. Gréisst ? Wie baut se? Material – nei, recycléiert? Käschten, ...
• Wéi eng aner Strukturen solle gebaut ginn? Schapp/Këscht fir d’Material, Bänken, Dëscher, ...  – wéi vill?
• Zär, Kraiderspiral, Kompstkëschten, Feierplaz, Sonneschutz, ...
• Muss eng Zouleitung fir d‘Waasser ugeluecht ginn?
• Wéi vill Klassen/Kanner kommen pro Joer an de Gaart?
• Wéi oft pro Woch/pro Mount/pro Trimester kënnt all Klass an de Gaart?
• Gëtt et Parzellen pro Klass oder Gemeinschaftsparzellen?
• Wéi eng pedagogesch Themen ginn am Gaart behandelt?
• Sinn Treffen tëschent Enseignanten, Educatricen an Educateuren, déi de Gaart betreien, virgesinn?
• Wie betreit de Gaart an der Vakanz?
• Gëtt et e Budget fir déi järlech Onkäschten: Som, Buedem, Material, ...